ARBOLE DE LA BIDA DE LOS REYES DE ESPANYA, IJIKOS DE DAVID

Kim Pérez

Meldo este Arbole de la Bida segund la tradisyon Judya i estonse se ve ke los Reyes de Espanya i kuaji toda la Alta Nobleza Espanyola i sus desendyentes somos Ijikos de David i benefisyarios de las Profesiyas ensima de el i su desendensya. Esto da a los Judyos Sefaradis un lugar sentral en la Estorya Espanyola, no lateral, i por ezo eskrivo estos byervos en Espanyoliko Sefaradi para aserles onor, de ke toda esta asendensya viene de Yonati o Paloma de Guadalkanal, una Judya Sefaradi, i de su padre, Don Gedalyah Ibn Yahya, ke yego a ser Rosh Galuta o Kaveza de todas las Aljamas de Kastiya, en Toledo. Ma ainda se puede pyenzar ke los Reyes de Espanya son Reyes de Yerushalayim, de ke este titolo Kristyano se torna en ellos Davidiko, por linia de mujer. Para entender lo ondo de estos pensyeros se puede meldar a Don Alonso de Kartajena, Ovispo de Burgos, ijiko de Don Pavlo de Santa Maria, antes Shelomoh ha Levi, primer Ovispo Konverzo de Burgos, de ke veia a Espanya komo ijika de un Padre Godo i una Madre Judya, ke teniya de su padre la valentiya i de su madre la savyeduria i rekordava ke los Goyim se konvirtyeron al D.io de Yisra ‘El i no Yisra ‘El a los dyoses de los Goyim. Digo yo, como una ermanika de Yisra ‘El, a la otra punta del Mar.

=83. Felipe II; nonvrado en el Eskorial: “Philippus II omnium hisp. Regnor. utriuque sicil. ier. Rex” (Rey de todos los Reynos de Espanya, de ambas Sizilyas, de Yerushalayim) Kijo materyalizar el Templo de Shelomoh en la Basilika del Escorial (Padre Sigüenza); seis hrandes estatuas de Reyes de Yehudah delantre de la Basilika: Yehosafat, Hizkiyahu, David, Shelomoh, Yoshiyahu, y Manasseh.

=82. Carlos V, Rey de las Espanyas, unjido Sakro Romano Emperador, Rey de Yerushalayim, aspirando a la Monarchia Universalis; edifikador de un Templo, la Katedral de Granada, 1523, cuya Capilla Mayor evoka el Santo Sepulkro de Yeshua ha Natzrathi en Yerushalayim.

=81. Juana, Reyna de Kastiya, 1504, i de Aragon, 1516; desde su adolesensya no keriya asistir a la Misa, ma dospues de munchas sufryensyas, muriyo enkomendandosen a Yeshua ha Mashiyah. El Kardenal Cisneros, Rejente del Reyno, pyenzo en la Konkista de Yerushalayin para Kastiya, 1506.

=80. Ferran II de Aragon, kasado kon Isabel I de Kastiya, los Reyes Katolikos. “Es muestro ermano, karne muestra es, de sangre de Judyos; bendesira muestras ovras i muestro revanyo se desbordara por el Payis” (Rabí Eliyahu Capsali, “Seder Eliyahu Zutá”, cap. XX, 1523, trad. Yolanda Moreno Koch, Univ. de Granada, 2005); ma ensendyo los fuegos kontra los Judyos Konverzos. Saviya ke su tararanona se nonbrava Paloma, i fue el primer Ijiko de David ke torno a reynar, despues de la Dinastiya de Shelomoh; yevo a Amerika la fe en Yeshua ha Natzrathi, Ijiko de David; el Papa dio a Fernando, en 1510, el titolo Kristyano de Rey de Yerushalayim, dende estonze Davidiko de muevo.
[Primo ermano de Fernando el Katoliko]
=Fadrique Enríquez, n. 1485-+1538, IV Almirante de Castilla. Se retiro a Rioseco, en la bushkita del D.io; sigiyo a Juan López de Celain, Capellan de la Real de Granada, 1520, luterano, kemado en Granada, 1530; su mediko Eugenio Torralba, italiano, tratava kon el espiritu Zekiel, y en sus vuelos yego a ver el Sako de Roma; tanvien le vijito, a la fin de su bida, Isabel de la Cruz, Alumbrada, yevando sambenito de la Inkisizyon (Ángela Selke de Sánchez)

=79. Juana Enríquez, i Juan II de Trastámara, Rey de Aragon..
[Ermanos de padre]
=Ocho, que dieron suzesyon, Enrique, a la Kaza de Fuentiduenya, Francisco, a la de Banyos, María, a la de Alba (de eya vengo yo), Leonor, a la de Trastamara, Villalobos i Astorga, Inés, a la de Buendiya, Aldonza, a la de Kardona. Con eyos i sus primos ermanos, una grande parte de la Alta Nobleza Espanyola yego a ser Davidika.

=78. Fadrique Enríquez de Mendoza, muerto 1473, II Almirante de Kastiya (ereditaryo), y, en 2as, Teresa Fernández de Quiñones, ken asistiya a kuantas misas puediya, y dedicava el resto del tyenpo a atender a los povres que akudiyan a su palasyo, asina komo como a los hazinos del ospital de Medina de Rioseko del ke era fundatora (Silvia María Pérez González)
[Ermanos]
=Doze de padre y madre y tres de padre, naturales; dieron suzesyon, Enrique, a la Kaza de Alba de Liste, Beatriz, a la de Moguer; Leonor, a la de Benavente; Aldonza, a la de los Osorio; Isabel, a la de los Cameros; Inés, a la de Almazán; Blanca, a la de Herrera, syendo nona del Grande Kapitan, Gonzalo Fernández de Kordova, konkistador de Napoles; Constanza, a la de Berlanga; María, a la de Monzón y Cabra; Mencía, a la de Castanyeda. Kon eyos, el linaje Davidiko enpesijo a ensancharse por la Nobleza Espanyola.

=77. Alonso Enríquez o Henriques, n. Guadalcanal, 1354-+Guadalupe, 1429; “fue ijiko del maestre bastardo e crióle el rey don Enrique su tío”; I Almirante de Castilla (ereditario), y Juana de Mendoza, n. 1352, a ken abofeteo kuando, disfrazado de paje para yegar delantre de eya, Juana le disho ke “no se casaría con el ijiko de una Marrana” (Konverza Judayzante); “…los Mendozas y Ayalas todos descendían de cierto “Rabbi Salomón” y su ijiko don Isaque de Valladolid, según Lope de Barrientos” (Norman Roth)
[Primos ermanos]
=Los kuatro ijikos de David Ibn Yahya, ha-Rab shel Sepharad, Gedaliah, Yitzhak, Yehuda, i Shlomo, nn Toledo. En 1391, anyada del grande terror, Shlomo i Yehuda uyeron a Portugal. Vicente Ferrer pidyo permiso al rey Don Joâo para mover una kampanya de propaganda kontra los Judyos del reyno. Yehuda i su ermano lo desaconsejaron, i el rey disho a Ferrer ke puederiya enpesijar su campanya si yevase una korona al rojo ensima de su kavesa (Arthur Menton)

=76. Paloma; n. Llerena, 1335; bivio en Guadalkanal,-m. 1429, en el Real Monasterio de Guadalupe, serka de Alia (Jaim David Harlow), 94 años, kazada kon un Judyo i forsada por Fadrique Enríquez deCastilla, Maestre de Santiago, n. 1334 [komo los Judyos por los Kristyanos] m. vyolentamente, 1358, kon 24 años; el "Divrei ha-Yamim le-Bnei Yahya,( דברי הימים לבני יחייא )", de Eliakim Carmoly, Frankfort am Main/Rodelheim, Isak Kaufman, ken dize ke una de las ijikas de Gedalyah (ibn Yahya) se nonbrava Yonati (Paloma) i se kazo kon el ijiko ilejitimo del “Reyno de Portucale” (un Henriques, alkunya de la nona de Fadrique) Tratada por tanto por el Rey Enrique II, ermano de Fadrique, kon onores kuaji de Princesa, como los ke konsediyo a su padre Don Gedaliah i a su ermano David.
[Ermanos]
=Moshe ben Gedaliah ibn Yahya Negro, kazado kon Salva bint Todros HaLevi Abulafia; el Rey les dio el dirito de tomar la alkunya Navarro i pazarla a sus desendyentes.
=David ben Gedaliah ibn Yahya Negro, n Lisboa, h. 1330-Villarreal (Castellò), 1385; (ha-Rab shel Sefarad) El Rey Don João de Portugal le kito sus propietades. Almoxarife del Rey Fernando IV de Kastiya. En “el manuskrito del syeglo Diesiocho de un Tapiz (Tapestry) del arbole de la famiya Ibn Yahya en la coleksyon del Jewish Theological Seminary, de Nueva York (Arthur Menton), en Evreo: “Don David Grande Hacham y Resh Golata para todo el Reyno de Kastiya (----) i muriyo en Toledo”, kazado kon Doña Cimfa (Sincha) Navarro; “Primos de la famiya Ibn Yahya, la famiya Navarro de Santarem”
Fadrique Enríquez de Castilla era ijiko natural de
=2. Alonso XI, -+de la Peste Negra; Rey de Kastiya i Leon, i de Leonor de Guzmán; ijiko de
=1. Fernando IV, Rey de Kastiya i Leon i Constanza Henriques, ijika de =Don Dinís, Rey de Portugal, e Isabel de Aragón, ijika de =En Pere III, Rei de Aragó y Constanza II, Reina de Sicilia, ijika de =Manfredo I, Rey de Sicilia i de Beatriz de Saboya, Manfredo, ijiko de =Fadrique II, Sakro Romano Emperador, Rey de Yerushalayim, 18.III.1229, solo ensima de los Santos Lugares Kristyanos y Bianca Lancia.
Fernando IV era desendyente de
=Alfonso VII, Emperador de Espanya, Rey de las Tres Relijyones (Kristyana, Judiya i Musulmana)

=75. Don Gedaliyahu גדליא ben Shelomoh, n. Lisboa, 1295-m. Toledo, 1385, 90 años, “Mi Grandeza, Yahu” ¿i Tamar ibn Yahya bat Musaphia Heni (según Norah da Costa)?; en “Tapestry”, trad. del Evreo: “Don Gedalia Hacham i fisiko [mediko] era al pareser fisiko del Rey de Kastiya i murio en Toledo”; Fisiko antes de Fernando I de Portugal, fina 1370, i Rosh Golata o Kavesa del Esilio ensima de las Aljamas de Kastiya, dende Toledo, nonvrado por el Rey Enrique II, con 5000 dukados de oro, por anyada, pagados por una tasa (Jewish Encyclopaedia), lo ke solo se esplica si el Rey lo rekonosio komo nono materno de su sovrino Alonso Enríquez, a ken el Rey elevo (educó)
[Ermano]
Joseph ha Meshorer ibn Yaḥya ben Shelomoh. Ijikos de

=74. Shelomoh ibn Yaḥyā haZaken (“el Barbudo”), n. Lisboa, 1245-m.1340, 95 anyos. En “Tapestry”: “Don Shelomoh era tanvien riko”; Consejero Real ensima de la gerra, talmudista, filosofo; rekomendo a los Judyos ke no vistiesen kon luxo (Arthur Menton)

=73. Don Yosef ibn Yachya ha Rav , n. Lisboa, 1210 –m. Lisboa, 1264, 54 años; en “Tapestry”: “Don Yosef era Grande Hacham i rico (----) i izo la Grande Sinoga en Lisboa”; Tesorero de Portugal, eskrivio un Komentaryo al Talmud, oy pedrido. Ijiko de

=72. Don Yehudah o Yahya; en “Tapestry”, “Don Yehuda, Hacham i riko i murio en Lisboa”; Sar (Principe) Don Yehuda, en Shalshelet ha-Kabbalah (Arthur Menton); Rabí Mayor de Portugal, Tesorero de Portugal, kon Sancho I i Sancho II.

=71. Don Yahya ibn Ya'ish O Negro, ha Nasi “el Principe”, n. Kordova (Inperio Almohade), n. antes de 1154 –m. 1222 o Santarem, 1204 En “Tapestry”, trad. del Evreo: “El Principe Don Yachya, ken vino de Kordova i yego a Lisboa i era Hacham i fisiko del rey i riko y muryo la anyada 4982 (1222 dC) i fue nonvrado por la famiya Ijiko de Ya'ish”. Konsejero de Afonso I de Portugal. Nota en Geni: =En De expugnatione Scalabis (Santarem), Ibn Yachya fue jefe gerrero en Marruecos, komo Mohammed ibn Yahya; yevo una veste i una armadura pretas (negras), i de aki el sovrenonvre el Negro. Afonso I le nonvro “Senhor de Unhos, Frielas e Aldeia dos Negros"
Por el empesija la Jenealojiya de los Don Yahya konpuesta por Yaakov Tam ibn Yahya ben David, Rabbí Turco, n circa 1475-m.1542, Talmudista (Jewish Encyclopaedia), ke no alude a su padre, anke usava en su proprio nonvre el “Ijiko de David”.
Arthur Menton, el mismo un Charlap, emparenta a la famiya de los Don Yahya con la de los Charlap, de la ke munchas ramas biven agora en Yisra‘El (una de ellas en Yerushalayim), cuya tradisyon los aze desendyentes de Chiya, Ijiko de David; de los Charlap desyenden en Polonia los Ser, los Kiejsmacher y los Pakciarz; los Don Yahya, esilados de Espanya i Portugal, fueron despues a Amsterdam, Italia i Istanbul i despues a Polonia (Arthur Menton, The Book of Destiny –Toledot Charlap (Generasyones de los Charlap, Cap. XXV)
En Jüdische Familien-Forschung (Estudio sobre la Famiya Judiya) (Berlín, 1924-1938), temprano jurnal de jenealojiya Judiya en Alemanya, ay varios artikolos ke tratan de la desendensiya de esta famiya de David ha Melej. La parte mas enterezante es una lista de generasyones titolada "El Dokumento Yahia." Empesija kon el Rey David, va a [25] Berachya (450 aC), i dospues ay un vasyo de 450-320 aC. Torna dende [¿29?] Chisdia (300 aC) i sige kon [72] David ben Zakai, el Exilarka de Irak ke muryo en 940 EC. Estonze ay un grande vasyo kon unas kuantas jenerasyones de insertidumbre, i la lista sige dende [76] Chiya al-Daudi (1090-1154) en Espanya. El "Ibn Yahia" se torna a "Don Yahia" - esta parte de Espanya esta agora debasho del dominio Kristiano. Los "Don" sigen fina Don David (nasido en 1580) en Turkiya, el postrero de la linia Yahia en esta lista (David Einsiedler, sitado por Arthur Menton, ibidem)

=70. Rabí Chiya al Daudi haNasi (“el Principe”) o Hiyya ben Hiyya Vital, nh 1085 –m. Toledo o León, donde estava su piedra de sepultura, h.1154 (Abraham ibn Da’ud); poeta liturjiko. Arthur Menton traslada de una ensiklopedya alemana, ke Chiya fue el pasado de la famiya Ibn Yahya, que puede sinifikar “ijiko de Chiya”, ma tanvyen “ijiko de Bida” (o Vital), por lo ke Ibn Yahya seriya en Sefaradi komo el Asjenasi Ben Chaim (Menton, ibidem)

Un eskrito de Abraham Zacuto (Salamanca, h 1450-Damasco, 1510):
“Despues de su muerte, el Rabi Hai, Gaon, fue susedido komo Rosh Yeshiva [Kavesa de la Akademya de Pumbeditha] por el [74] Rabi Chiskiah [o Hezekiyahu], Rosh Galuta [Kavesa del Egsilio], el inyieto del [72] Rosh Galuta David ben Zakai [desendyente de Bustenai, A. Menton, ibidem] Tuvo el kargo durante dos anyadas antes de ke unos kalunyadores ennegresyeran su nonvre delantre del Emperador. Fue arrestado, metido entre fierros i langidesyo fina su muerte en 1040. Sus dos ijikos fuyeron a Espanya, donde el Rabi Yosef HaNaggid [ijiko de Shmuel ibn Nagrella, visir de Granada], ke era mui amistozo kon el Rabi Chiskiah [Le adreso este poema:“principe de la novle Komunitad, ke es la Korona ensima de la Kavesa del Puevlo entero, el brote del Rey David ke esta destinado a restaurar la Monarkiya en Yisra ‘El” –Arthur Menton]
“Se kedaron kon el fina el asesinato del Rabi Yosef HaNaggid, en Granada en [el pogrom de] 1066. Uno de los ijikos de Chiskiah fuyo a Zaragoza, se kazo i estavlesiyo una famiya. Su inyeto se asento en la zona conosida como Edom [en la tradisyon Judiya = Roma, la Tyerra de Kristyanos] En ese tiempo, esta parte de Espanya estava devasho del dominio Kristyano; Granada i otras sivdades estavan devasho del dominio Musulman. Este inyeto del Rabí Chiskiah, ke se aviya asentado en la parte Kristyana de Espanya, era el padre del Rabí Chiya al-Daudi, el savyo i poeta. Las cansyiones de Chiya se topan en el machzorim de los Sefaradis Muryo en Kastiya i fue enterrado en el Norte de Espanya, en 1154. Despues de el, la linia de la Kaza de David sigio en Espanya no muncho tienpo” (Graetz, vol. 4, pág, 12, todo sitado en Arthur Menton, Libro del Destino – Toledot Charlap, XXV)

Muestro Arbole de la Bida sige asina:

= = =
La linia de Yeshua ha Natzrathi, Melech ha Yehudim (INRI), viene a un lado de esta:
Dos sovrinos inyetos de Yeshua, por su ermano Yehudah, deklararon delantre del Emperador Domisiano, le mostraron sus manos kon kayos i alegaron que el Reyno era del Syelo i los Anjeles, kon lo ke los desho en livertad. Yeshua, por ser Judyo Galileo, sigiya la tradisyon de ‘El i lo veyia komo Padre y a su Ruah o Aliento komo Madre: “Aze poko me tomo la Ruah, mi Madre, por uno de mis kaveyos y me yevo al grande Tabor” (Evanjelyo de los Evreos); “Padre muestro que estash en los Syelos…”; “ ‘El-i, ‘El-i, lamá sabactan-i?” ( ‘El miyo, ‘El miyo, de ke me abandonastesh?”); Padre de Miserikordiya y Justizya, komo para los Nevi ‘im o profetas de Yisra ‘El.
Ijiko de =33. Yosef, “Anadirá”; =32. Ya’akov, “Agarrado por el Talon”; =31. Mattan, =30. Eleazar, “‘El, Mi Ayuda”; =29. Eliud, “ ‘El, Mi Orasyon”; =28. Aqim, =27. Sadoq, =26. Azor, =25. Eliakim, “ ‘El Alzara”; =24. Abiud, =23. Zerubbavel; en esta linia de desendyentes de Zerubbavel, ay 3 nombres alusivos a ‘El i dinguno a Yahu, lo ke aze pyensar ke en Galilea se venerava a ‘El i no a Yahu, komo en Yerushalayim. Es la Jenealojiya Kristyana segund Mateo (1, 12-15), ke seriya la biolojika, de ke otra, la de Lukas, nonvra a Eli, ermano de madre de Yosef i puedeser padre legal de Yeshua. Ma Yosef i Eli desendiyan de Zerubbavel i por tanto eran Ijikos de David.
= = =
Arthur Menton ordena asina el Arbole de la Bida de los Don Yahya (otros ordenes son posivles:
“[26] Chisdiah, [27] Hezekiah, [28]Yeshaiah, [29] David, [30] Shlomo, [31] Shemaiah, [32] David, [33] Shechaniah, [34] Hezekiah, [35] Shalom, [36] Nathan De-Zuzita, [37] Huna, [38] Shlomo, [39] Yaacov, i Nahum, [40] David, [41] Yohanan, ermano de Nahum, [42] Shafat, [43] Anan, [44] Hiyya (Chiya), [45] Huna el Babilonyo i Hobah [46] Nathan o Mar Ukban II. [47] Nehemiah, [48] Nathan o Mar Ukban III [49] Abba, [50] Mar Zutra I, [51] Kahana II, [52] Huna VI, [53] Hezekiah (Chiskiah), [54] David, [55] Mar Zutra III, [56] Mar Zutra IV, [57] Guriah o Bostenai, [58] Mar Zutra, [59] Yaacov, [60] Magus, [61] Nehemiah, [62] Abdimi, [63] Chatzov, [64] David, [65] Nathan, [66] Abraham, [67] Zakai, Rosh Golah, [68] David ben Zakai, Rosh Golah, [69] Judah,[70] un ijiko de dose anyadas [71] Chiskiah (Hezekiah)” (Arthur Menton, ibidem)
Esta linia sige a
=25. Berechiah, mensyonado en el Dokumento Yahya y en Cronikas I, 3, 20
=24. Meshullam, con sus ermanos Hananiah i Shelomith, Cronikas I, 3, 19. Shelomit, nonvrada puedeser komo la Shulamita, en el Shir ha Shirim, donde empesija la Mistika del Amor del D.io, yamando al Novyo del Rey, y despues Shelomoh, cuyo femenino es Shelomit. Despues el Kantar de los Kantares, inspiro la Kabbalah i a San Juan de la Cruz.
La arkeologa Eilat Mazar topo, 2008, un seyo de pyedra negra, junto a la Muraya antiga de Yerushalayim, kon las letras Shin, Lamed, Mem, Tau (Shelomit) en su reverso. Eran ijikos de
=23. Zerubbavel, “Brote de Bav’Il” (Puerta de Il o ‘El); Zerubbavel Ben Shealtiel, Satrapa de Yehudah: “Akel diya, orakulo de Iaoue Zavaot, te tomare a ti, Zerubbavel Ben Shealtiel, siervo miyo, orakulo de Iaoue, i te pondre komo aniyo de seyo (sceau), de ke a ti te elegi, orakulo de Iaoue Zavaot” (Livro de Haggay, 2, 23 ) Fue kavesa del retorno de los Judyos a Yerushalayim i la edifikasyon del Segundo Templo, devasho del nonvre de Yahu o Iaoue, komo Uno, i selevro en el la Paskua de 515aC
Era ijiko de
=22. Shealtiel, “Pedido a ‘El”, II Rosh Golah en Bab Il (livros de Haggay, Ezra; uno solo aze a Zerubbavel ijiko de Pedaiyahu)
El Tanaj dishe ke Shealtiel desendiya de la Dinastiya de Shelomoh, ma seriya solo por los diritos, de ke seriya ijikoo adoptivo del Rey Yekoniyahu o Yehoyachin, maldicho tres vezes por Yahu, para ke no tuviera desendensya karnal.
La linia biolojika de Shealtiel esta recojida en un uniko dokumento, ke no es del Tanaj o Biblia Judiya, ma del Evanjelyo de Lukas, 3, 27-32, ke seriya una de las de partikulares rekompuestas, de memorya o kon otra fuente, despues de ke Erodes kemara las de los Judyos.
Por la Jenealojiya de Lukas, ke da 4 nonvres en ‘El, i 1 o 2 en Yahu, Shealtiel seriya ijiko de
=21. Neri(ah),”Mi Kandela”, ijiko de =20. Melchi o Melki, “Mi Rey”; ijiko de =19. Addi, “Mi Testigo” o “Mi Adorno”; ijiko de =18. Cosam, “Adivino”, ijiko de =17. Elmadam o Elmodam, “‘El, Medida”, ijiko de =16. Er, “Vigilante”, ijiko de =15. Yose, “Alzado”, ijiko de =14. Eliezer, “Mi ‘El, Ayuda”, ijiko de =13. Y(eh)orim, “Exaltado por Yahu”; Yorim era ijiko de
=12. Mattatha[n], “Su Regalo”, ijiko de =11. Levi, ijiko de =10. Simeon, ijiko de =9. Yehudah, ijiko de =8. Yoseph, ijiko de =7. Yonam [¿Yohnana, “Don de Yeho / Yahu”, Smith’s Bible Dictionary?]
En ese syeglo, el Nevi Hoshayahu, “Yahu salvo”, define el Mal (Protodekalogos): “No ay ni verdad/ ni konpasyon/ ni conosimyento de [los] Elohim en esta tyerra/ Perjuran/ myenten/ asesinan/ roban/ adulteran/ rompen las lindes/ sangre i mas sangre” (4, 1-2) (texto hebreo en Mechon-Mamre.org)
Yehuda era ijiko de =6. Eliakim, “Mi ‘El Alzara”, ijiko de =5. Melea, ijiko de =4. Menon o Menna, ¿nonvre ejipsyano, komo Amenofis? ijiko de =3. Mattatha[n], ijiko de
=2. Nathan, casado con Hephzibah, o puedeser Shelomoh, Rey de Yehudah, en nonvre de Nathan; Hephzibah: "Tu ke traes buenas muevas a Sion" (Yesaiyahu, 40, 9), la madre del Mashiah, nonvrado “Menajem ben ‘Ami‘El” [Aliviador, Ijiko del Pueblo de ‘El]; “el famoso kabbalisto, Rabí Reuven Margolies, egsplika ke (…) Nathan muryo sin ijikos, i Shelomoh su ermano se kazo kon su viuda, segund las leyes de yibum, levirato” (Gilbert Bloom, 13.IV.2013) En esta linia ay 3 nonvres en ‘El y 2 en Yahu
Eilat Mazar, ke escavo la Muraya de Yerushalayim (2010), la data en tienpos de Shelomoh (79 m, largo; 3-6 m ancho; 6 m alto; una torre en una esquina)
[Ermanos]
=a. Amnon, ijiko de Ajinoam de Yizreel, =b. Kilab, o Daniel, ijiko de Abigail, mujer de Nabal de Karmel, =c. Absalon, ijiko de Maaka, ijika de Talmay, Rey de Gueshur, =d. Adoniyahu [“Mi Senyor, Yahu”, el D.io de Madian], ijiko de Jaggit, =e. Sephatiyahu, ijiko de Abital, =f. Ithream, ijiko de Egla, todos nasidos en Hebron (II Shmuel, 3, 2); =g. Sammua; =h. Shobab, =k. Yibjar, =l. Elishua, “Mi ‘El, Salvasyon”, =m. Nefeg, =n. Yafía, =o. Elishama, “Mi ‘El, Oye”, =p. Baalyada [“Baal Sabe”, nonvre trokado en la kopya de I Cron 3 por Elyada, “‘El Sabe”), =q. Elifelet, “Mi ‘El, Liberasyon”, todos nasidos en Yerushalyim (II Shmuel, 5, 14-15) Y su ermana Tamar (I Cron 3, 9) (3 nonvres en ‘El, 2 en Yahu y 1 en Baal)
Shelomoh, ijiko 10 (j) y Nathan, ijiko 9 (i), de
=1. David, “Elejido”, nasido serka de 1040aC, Unjido por Shmu‘El (“Nonvre de ‘El”), Rey de Yehudah, i su esposa 10, Bathsheba; fue rey en Hebron; i despues en su konkista de Yerushalayim, adonde yevo dende Shiloh el Arca de otra Alianza con Yahu Tzavaot, de los Ejersitos; Iahu (Sumer, h. 3000 aC), “Exaltada (-Ia) Paloma (-Hu)”), antisipasyon de la Paloma de la Ruah.
En el Syelo (en la Avstraksyon), Asaf canta: “‘Elohim [‘El] se levanta en la Asanvlea de ‘El; rodeado de los ‘Elohim juzga:/ Fina kuando daresh sentensyas injustas/ vos meteresh de parte del kulpavle? Defended al desvalido y al orfano, azed justisya al umilde y al nesesitado/ salvad al oprimido y al povre, liverandolos del poder de los malvados (…) Yo declaro: “Sosh ‘Elohim i ijikos del Altisimo;/ ma todos morireish komo kualker onvre/ kaeresh komo kualker principe” (Psalmo 82; Nonvres Evreos del D.io topados en Mechon-Mamre.org); esta es el akta de fundasyon del Monoteyismo Justisyero, kuando el D.io Padre destrona a los otros dyoses por injustos; O. Eissfeldt, en “ El and Yahweh” (1956), lo data como muy antiguo, como el 78, anterior a 930, y el 76, quizá davídico (C. Hauret) o anterior.
En la Tyerra, la corrupsyon de los Juezes de Yisra ‘El provoko ensima de ellos la formasyon de la Monarkiya, por la unsyon en aseyte para la Justizya, kon Saul y dospues kon David. Profesiya de Nathan a David (II Shmuel, 7, 16) : “Tu kaza i tu reyno permaneseran para sienpre”
=Clan de Avram o Avraham: Avraham adoro a ‘El Elyon, “Altisimo”, junto con Melkisedek, Rey de Salem, ke le bendisho: “Bendito seya Abram de ‘El Elyon, Kreador de syelos i tyerra/ y i bendito seya ‘El Elyon,/ ke puzo a tus enemigos en tus manos” (Beresit, 14, 19-20); despues, devasho del nonvre de ‘El Shadday, ¿“ ‘El, Abastado”, de sha+dai? (Paul Wilbur; Santa iTeresa: “Solo Dios basta”): “Yo soy ‘El Shadday, anda delantre de mí i kunple [se entyende sirkunsidate]; yo meto mi Alianza entre los dos i te multiplikare” (Beresit, 17, 2)
Agar, madre de Ishma‘El, “Nonvre de ‘El”, primojenito de Avraham : ‘El Roí, “Me Ve”: “Avre yegado a ver aki las espaldas de ken me ve?”, komo despues Moshe, ken lo vio de espaldas (Beresit, 16, 13) … komo mi madre vido a Yeshua; del clan de Ishma‘El desendiyo Muhammad, de ken tanvyen desendo, komo los Braganza, por los Venegas.